瑞士芝士火鍋 (附食譜)

瑞士芝士火鍋 (附食譜)

大白老鼠啱啱先攞咗個電子燒烤鐵板爐返來無幾多日，又攞咗個火鍋爐番來，之前用開的易潔火鍋爐，因鍋內層有脫落的情況出現已經報廢，都仲未買新的，呢個火鍋爐睇落細細個，容量都有1.5L，可以用來打邊爐或整芝士火鍋。 

但我地的食量咁大，如果用來打邊爐就細咗d，用來整瑞士芝士火鍋就啱啱好。

 

俗話話 :『人出豉油，我出雞!』

好，今次就『人出爐，我出身裁!』

芝士火鍋聞名已久，但成鍋都是芝士，熱量超高，肥死啦，所以從未都食過。 上網搵到食譜，整個混合版出來，要係元朗買齊d料就好似玩尋寶遊戲，最後都要去Jusco，仲有芝士火鍋專用，一盒內有齊三隻芝士味(Emmental、Gruyere、Apprbzekker)，仲做緊特價，又幾方便，配菜見到邊樣想食就買邊樣，買咗一大堆，開餐啦! 
瑞士芝士火鍋 

材料:芝士             340克 (2盒)粟粉             25克白酒             450毫升
拔蘭地酒         15毫升
豆蔻粉           1.5克紅粉             1.5克 

火鍋配料亦可選用:牛柳粒、西蘭花、椰菜花、水果、切成方丁的麵包，但蔬菜類宜先用滾水烚腍。

 

做法:

 

開細火將煲稍為燒熱，用蒜肉塗抹鍋的內壁，加入白酒用大火煮滾後轉中火。先將粟粉置碗內，將芝士剪碎，拌勻，倒入已煮滾白酒的鍋內，其間不斷攪拌，用細火煮至芝士完全溶化。

然後加入紅粉、豆蔻粉及拔蘭地酒，用細火煮至呈糊狀，配菜用長柄叉叉好，放入芝士鍋內，煮至喜歡的熟度，蘸滿芝士漿後即可食用。

煮食時成間屋都充滿酒味，可能是白酒同d拔蘭地吾係好配，我地平時又吾飲酒，食落就麻麻地，下次都要換過d酒至得。